منتدى كليات السياحه والفنادق والتربيه والاداب (منتدى التوائمه)
الحمد لله

انضم إلى المنتدى ، فالأمر سريع وسهل

منتدى كليات السياحه والفنادق والتربيه والاداب (منتدى التوائمه)
الحمد لله
منتدى كليات السياحه والفنادق والتربيه والاداب (منتدى التوائمه)
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
بحـث
 
 

نتائج البحث
 


Rechercher بحث متقدم

المواضيع الأخيرة
» السلام عليكم ممكن يا أخي العزيز تعلمني كيف قدرة تنشر منتداك على محرك البحث google والسلام عليكم ورحمة الله
واحد بيحب وحده شوفوا معايا حكايته Emptyالثلاثاء يوليو 26, 2011 11:30 am من طرف يوسف

» سؤال لكل شخص في المنتدى يجاوب عليه
واحد بيحب وحده شوفوا معايا حكايته Emptyالثلاثاء مايو 11, 2010 10:11 pm من طرف ملكة الجزيرة

» ملايين تنتظر من ياخذها
واحد بيحب وحده شوفوا معايا حكايته Emptyالسبت أكتوبر 10, 2009 5:03 pm من طرف زائر

» من اجل قراءه مؤثره للقران
واحد بيحب وحده شوفوا معايا حكايته Emptyالأربعاء سبتمبر 16, 2009 8:20 am من طرف امل

» اسئله و اجوبه عن القران الكريم
واحد بيحب وحده شوفوا معايا حكايته Emptyالأربعاء سبتمبر 16, 2009 8:15 am من طرف امل

» حكاية بنت اسمها ......دنيا
واحد بيحب وحده شوفوا معايا حكايته Emptyالأربعاء سبتمبر 16, 2009 8:13 am من طرف امل

» 40 طريقه لترك المعاصى
واحد بيحب وحده شوفوا معايا حكايته Emptyالأربعاء سبتمبر 16, 2009 8:12 am من طرف امل

» عادى ابن عادى العادى
واحد بيحب وحده شوفوا معايا حكايته Emptyالأحد سبتمبر 13, 2009 11:40 am من طرف امل

» هل تقبل ان..هل تقبلى ان
واحد بيحب وحده شوفوا معايا حكايته Emptyالأحد سبتمبر 13, 2009 11:38 am من طرف امل

اعط هبه لهذا المنتدى
التبادل الاعلاني

واحد بيحب وحده شوفوا معايا حكايته

اذهب الى الأسفل

واحد بيحب وحده شوفوا معايا حكايته Empty واحد بيحب وحده شوفوا معايا حكايته

مُساهمة  امل الجمعة سبتمبر 11, 2009 4:09 pm

واحد بيحب وحده شوفوا معايا حكايته






ـ تتجوزيني ؟
ـ لا !
ـ ليه ؟
ـ بصراحة كدة شكلك مش عاجبني ..
ـ إزاي يعني ؟
ـ يعني .. أصل أنا ليا مواصفات معينة لفارس أحلامي .
ـ مواصفات معينة ؟ .. هو انتي هتتجوزي عربية ؟
ـ لا ! .. بصراحة كدة .. إنت مش فارس أحلامي اللي باتمناه !

==========================

ـ تتجوزيني ؟
ـ إيه ده ؟ شكلك اتغير !
ـ إيه رأيك ؟
ـ واو .. شعرك بقة ناعم ! .. دي باروكة ؟
ـ أيوة !
ـ ودي عدسات خضراء ؟
ـ أيوة !
ـ واو ! .. بس بجد .. بقيت وسيم ! .. واو ! ده انت بقيت شبه نيكولاس كيج !
ـ مين عباس كيج ده ؟
ـ عباس ؟!! ياي ! .. إيه عباس دي ؟ اسمه نيكولاس ..
ـ مين نيكولاس ده ؟
ـ بقة مالكشي في السيما وجاي تكلمني ؟ .. ياي !

============================

ـ تتجوزيني ؟
ـ انت لسة ليك عين تكلمني ؟
ـ أيوة .. أنا عرفت مين بنكرياس كيج ده !
ـ أولاً : اسمه نيكولاس كيج ..
ـ أيوة أيوة .. كنت هاقول اسمه صح .. بس اختصرته .. ده ممثل !
ـ ممثل إيه ؟
ـ ممثل أمريكاوي !
ـ أمريكاوي ؟! .. إخّييي ! .. اسمه أميريكان يا بابا ! .. ما تبقاش دونكي !
ـ دونكي دي تبقى شتيمة ؟
ـ أف كورس !

==========================



ـ تتجوزيني ؟
ـ عندك عربية موديل كام ؟
ـ موديل دي تبقى شتيمة ؟

=========================

ـ تتجوزيني ؟
ـ قوللي الأول .. حاطط أنهي نغمة في الموبايل بتاعك ؟
ـ نغمة دي تبقى شتيمة ؟

=============================




ـ تتجوزيني ؟
ـ ما قلتليش .. إنت بتشتغل إيه ؟
ـ أنا -بلا فخر- عاطل !
ـ عاطل ؟ .. ياي ! ..
ـ مش أحسن من اللي ما بيشتغلش ؟
ـ لا !
ـ يعني مش هتتجوزيني ؟
ـ لا !
ـ كدة أنا أزعل !
ـ ما تزعلش يا بابا ! .. خليك فريش !
ـ ماشي .. ماشي .. بس قوليلي ..
ـ إيه ؟
ـ فريش دي تبقى شتيمة ؟

=========================


ـ تتجوزيني ؟
ـ لقيت شغل ؟
ـ أيوة طبعًا .. سنتين وأنا بادور .. أخيرًا لقيت ..
ـ وإيه هو ؟
ـ سواق تاكسي .
ـ ياي ! .. مش مكسوف وانت بتقولها ؟
ـ فيها إيه ؟ العمل شرف .. وكلها كام سنة وأجمع مبلغ كويس ..
ـ شرف ؟ جتك القرف !



==============================



ـ تتجوزيني ؟
ـ جمعت مبلغ كويس ؟
ـ طبعًا .. مبلغ كبير جدًا ..
ـ قد إيه يعني ؟
ـ ألف جنيه !
ـ نعم ؟!!! .. ألف جنيه دول تروح تسرح بيهم ببطاطا ..
ـ يعني موافقة ؟!
ـ روح اتنيل .


========================


ـ تتجوزيني ؟
ـ عندك شقة ؟
ـ طبعًا ! .. أودة على السطوح ..
ـ نعم ؟!! ..
ـ إيه المشكلة ؟! .. أحسن ما ننام في الشارع !
ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب شقة .
ـ طيب .. كلها كام سنة وأجيبلك أحسن شقة في الدنيا .
ـ وهتجيبها في جاردن سيتي ولا في الزمالك ؟
ـ لا .. في الأهلي .. هيهع هيهع هيهع !


=========================


( بعد سنوات) :



ـ تتجوزيني ؟
ـ جبت الشقة ؟
ـ أيوة ! .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات .. !
ـ ـ فانتاستيك !
ـ بس الشقة ناقصة حاجة .
ـ إيه هي ؟
ـ مفيهاش حمام !
ـ امشي من قدامي ! .. مش طايقاك !


========================


مره تابيه راحلها وقال




ـ تتجوزيني ؟
ـ إنت تاني ؟
ـ جبتلك حمّام إنما إيه !
ـ خليه ينفعك !
ـ ليه بس ؟ .. ده ينفع لينا احنا الاتنين !
ـ وأنا مالي ؟
ـ مش عاجبك .. مش مشكلة .. أكتبه باسمك !


============================

(بعد سنين) ..
ـ هتتجوزيني ولا أولع فيكي ؟
ـ ومالك محروق كدة ؟
ـ حكايتنا طولت قوي .. طولت أكتر من اللازم !
ـ أوكي .. بس ممكن أعرف حاجة ؟
ـ إيه ؟
ـ إنت ليه متمسك بيا أوي كدة ؟
ـ أصل .. أصل ..
ـ أصل إيه ؟
ـ أصل أنا بحُبك (بضم الحاء) !
ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! .. بعدين خليك روش وقول
I love you !
ـ ماشي .. بس قوليلي ..
ـ نعم ؟
ـ روش دي تبقى شتيمة ؟

====================================

ـ تتجوزيني ؟
ـ بصراحة .. في حاجة كنت عاوزة أقولهالك من زمااااااان .
ـ إيه ؟
ـ أنا بصراحة .. مش شايفة إن في حد في العالم يستاهلني !
ـ يا سلام ! .. ليه ؟
ـ عشان أنا جميلة .. خفيفة الدم .. رشيقة .. رقيقة ..
ـ رقيقة ؟! .. ده انت بدأتي تقشفي !
ـ فشر !
ـ فوقي لنفسك .. العمر بيجري ..
ـ أنا مصرة على رأيي !
ـ يعني إيه ؟
ـ يعني اقطع معايا !
ـ بعد كل السنين دي ؟! .. بعد كل الحب ده ؟!!
ـ بلاش تراجيديا من فضلك !
ـ ماشي .. بس قبل ما أمشي عاوز أسألك سؤال واحد بس ..
ـ إيه هو ؟
ـ تراجيديا دي تبقى شتيمة ؟

===========================

( بعد سنين) ..
ـ تتجوشيني ؟
ـ إيه ؟
ـ تتجوشييينييييييي ؟
ـ إنت مين ؟
ـ أنا حبيبك يا هبلة .. البشي النضارة عشان تشوفيني !
ـ طيب شاعدني عشان ألاقي النضارة !
ـ آهي على الترابيزة قدامك !
ـ فين ؟!!
ـ لا دي نظارتي أنا !
ـ أيوة لقيتها ..
ـ البشيها بقة !
ـ ططييبب !
ـ عينيكي فوق شوية .. ده بقك ..
ـ طيب لبشهالي إنت !
ـ عقبال ما البشك الدبلة !
ـ ما تكشفنيش ! .. كنت بتقول إيه بقى ؟
ـ كنت بقول تتجوشششيييينيييييي ؟
ـ أكوشك ؟ .. إزاي ؟
ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
ـ دي شتيمة ؟
ـ لاااااء .. بقولك تتجوشيني ؟!!
ـ آه !! .. أجوشك !
ـ بالضااااابط ! .. هاه ؟
ـ شيبني أفكر !
ـ أشيبك تفكري ؟! .. ده انت هتموتي خلاش !
ـ لا .. شيبني أفكر بش !
ـ ربنا يوفقك !
ـ إيه ؟
ـ ربنا ييوفقك !
ـ بتقول إيه ؟
ـ ربنا ياخدك !

===========================

(على فراش الموت) :
ـ تـ … كوح .. كوح .. تتـ .. كوح كاح كيح .. تتكو .. كوح .. كوح .. تتكوشـ .. كوح كوح .. يني ؟!!
ـ مش شامعة !
ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح …….
ـ أجوش مين ؟!!!
ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!!
ـ إيه ؟ ..
ـ لا .. كوح .. أبدًا .. كوح .. كنت … كح كح .. بأكح !!
ـ كنت بتكح ؟!!!! .. شلامتك !! .. ما قلتليش ليه ؟!
ـ هو .. كوح .. إنتي .. لشة .. عارفـ .. ـة .. كوح كوح !
ـ بتقول إيه ؟!!
ـ يا .. ولية .. كوح كوح .. ردي .. كوح كوح .. عليا .. !! .. تـ .. تـ .. جو.. شيـ .. كوح كوح كوح كوح .. نـي ؟!!
ـ أجوشك ؟!! .. طب بش خد الدوا الأول !
ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح كوح كوح .. ـني ؟!!
ـ أيوة يا حاج .. موافقة !! .. موافقة إنك تتكوشني ..
ـ أخيـ….كوح كوح ..راااااً !! .. كوح كوح !! .. كدة أموت .. كوح .. كوح .. وأنا .. كوح .. مطمئن ومرتاح !! .. الودااا .. كوح ..ع ع ع ع !
ـ يا حاج .. يا حاج .. لااااااااااااااااااااااااااااا

!!
ومات الشاب
امل
امل

عدد الرسائل : 534
العمر : 35
الموقع : ف البيت
تاريخ التسجيل : 02/08/2008

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى